काठमाडों । टुँडाल खसे, मन्दिरका मूर्तिहरु ढले । विनाशकारी भुकम्पले विश्व सम्पदा सूचीमा सुचीकृत पाटन दरवारकोसमेत कलात्मक भौतिक संरचनाहरु भग्नावशेषमा रुपान्तरण भए । तर तिनको मोहकता मेटिएन, ती सम्पदाहरुप्रतिको मायामोह र आकर्षण घटेन । पर्यटकहरुका लागि तिनै संरचनाहरु अवलोकन, अनुसन्धान र पुननिर्माणका लागि आवश्यक उपाय अवलम्वनको गतिलो अध्याय बन्न पुग्दा पर्यटकहरुको आवागमनमा वृद्धि भैरहेको छ । वाह्य र आन्तरिक पर्यटकहरुको भीड बढिरहेको छ ।

भूकम्प जाँदाको स्मृति र पुननिर्माणप्रतिको अनेक आशंकावीच स्थानीयहरु अनुत्तरित छन् र फुर्सद भुलाइरहेका छन् सम्पदाको सेरोफेरो । ७० नाघेका यी पाका स्थानीयहरु भूकम्प अघिका मन्दिर र संरचनावारे भलाकुसारीमा व्यस्त छन् । पुरानै स्वरुपमा निर्माण हुने÷नहुने द्विविधा र आशंकाले दैनिकजसो पुननिर्माणका गतिविधिहरु नियालिरहेका छन् ।

Do you want to get Australian Qualification or Work Visa or Permanent Residency in Australia ? Just Click Here.

twgg-advertise

पाटन दरवारमा  पुननिर्माणमा व्यस्त छन् मजदुर र कलाकर्मीहरु । अर्थात पुननिर्माणले तीव्रता पाएको प्रष्ट देखाउँछ । यिनै कर्म र कर्मशील मानिसहरुप्रति पर्यटकको विश्वास छ । पुननिर्माणको संभाव्यताप्रति ।

अन्य तुलनामा यस सम्पदाको पुननिर्माण तीब्र देखिन्छ । यहाँका अनेक दरवार र क्षतिग्रस्त संरचनाहरुको पुननिर्माण सम्पन्न भैसकेको छ भने केहीको शुरुवात भएको छ । त्यसैले त, दरवार भ्रमण गर्नेहरुको भीड उत्तिकै छन् । बढिरहेको छ । स्वदेशी, सार्क राष्ट्र र अन्य मुलुकहरुको गरी असोज महिनामा मात्र पनि १३ हजार बढीले पाटन दरवार संग्राहलयको भ्रमण गरेको तथ्यांक संग्राहलयसँग छ । ललितपुर उपमहानगरपालिका र संग्रहालयको संयुक्त पहलमा शुरुवात भएको एकद्वार टिकट प्रणलीले पनि पर्यटकहरुका लागि सहज भएको संग्रहालयको भनाई छ ।

काष्ठकला, मुर्तिकला र अन्य विविध पौराणिक कलाहरुको अवलोकनका लागि पर्यटकहरुको आवागमन बढिरहेको छ ।

Comments