मेलवर्न । गैर आवासीय नेपाली संघ (एनआरएनए अष्ट्रेलिया ) को आठौ अधिबेशन मेलवर्नमा नया कार्य समितिलाई पदभार हस्तान्तरणका साथै दुइ बर्षको कार्यकालमा उत्कृष्ट ठहरिएका व्यक्तित्वहरुलाई पुरस्कृत गर्दै सम्पन्न भएको छ ।

नेपालको विराटनगर महानगरपालिकाका मेयर भिम पराजुलीले उदघाटन गरेर प्रारम्भ भएको अधिबेशनमा नया कार्यसमितिमा निर्वाचित अध्यक्ष केशव कडेंल, महासचिब डा ज्ञानेन्द्र रेग्मी लगायत सम्पूर्ण पदाधिकारीको सपथग्रहण भएको थियो ।

कार्यक्रममा एनआरएनका पुर्व अध्यक्ष शेष घलेले एनआरएनको महत्व र यसको कार्यदिशाबारे प्रकाश पारेका थिए । कार्यक्रममा भिक्टोरियाका महाबाणिज्यदुत चन्द्र योन्जनले प्रवासमा बसेर मुलुकसँंग जोडने सम्वन्धमा एनआरएनले संसारभर सम्वन्ध सेतुको काम गरेको बताए ।

एनआरएन ओसेनियाका संयोजक धर्म अधिकारीले एनआरएन अस्ट्रेलियाका नव निर्वाचित पदाधिकारीहरुलाई शुभकामना ब्यक्त गर्दै सामाजिक सेवाका लागि तयार भएका हातहरु बिविध बिषयमा अलमलिनु नहुने बिचार ब्यक्त गरे ।

कार्यक्रममा एनआरएनका निर्वतमान अध्यक्ष टोनु गोथानेले वर्तमान अध्यक्ष केशव कडेंललाई पदभार हस्तान्तरण गरेका थिए ।

आठौ अधिबेशनमा एनआरएन अस्ट्रेलियासँंग आवद्ध रहेर दुइ बर्षभित्र समाजको बहृतर हितमा योगदान पुरयाउने एक दर्जन बिधामा बिभिन्न व्यक्तित्वहरुलाई पुरस्कारद्धारा सम्मानित गरिएको थियो । अष्ट्रेलियाको नेपाली समाजमा रहेर समाजिक भाइचार अभिबृद्धी गरे बापत पत्रकार माधव गैरेलाई बर्ष पत्रकारको उपाधिवाट पुरस्कृत गरिएको थियो ।

जसमा हेचएसइतर्फ उत्कृष्ट छात्रमा हिमप्रीत गुरुङले बिश्वबिद्यालयतर्फ गोविन्द पौडेल, उत्कृष्ट खेलाडी पुरस्कार ९१८० प्रशिद्ध पाण्डे , उत्कृष्ट बर्ष खेलाडीमा मोहन बम (जुडो) र प्रेम उप्रेती (क्रिकेट)ले उपाधि हात पारेका छन । यस्तै अष्ट्रेलियाको नेपाली समाजको युवा बर्ष पुरस्कार सिसाका पुर्व अध्यक्ष बिजय सापकोटालाई, एनआरएन बर्ष उपाधि क्यानबेराका सिताराम घिमिरे, बर्षको उत्कृष्ट संस्थामा नेपाल रिक्रेयसनल क्लब (एनआरसी) नेपाली संस्कृति सदभावना राजदुतमा क्यानबेराकी संझना सापकोटा र बर्षको उत्कृष्ट महिला पुरस्कार नेपाली कला संस्कृती साहित्य प्रतिष्ठानकी अध्यक्ष सुजाता बस्नेतलाई प्रदान गरिएको थियो ।

यस्तै एनआरएन बिशेष पुरस्कारमा स्पेसल एचिभमेन्ट अवार्ड प्रमेज श्रेष्ठलाई, एनआरएनए बिशेष पहिचान पुरस्कार रन्जु थापालाई प्रदान गरिएको थियो । यस्तै अष्ट्रेलियाबाट यसै बर्ष पीएचडी सम्पन्न गर्ने हिमालय सिंह, सुमन ओझा, हिमाल कडेंल र मोम बिश्वकर्मालाई एकेडेमिक अर्वाडवाट सम्मानित गरिएको थियो ।

आठौं अधिवेशनकै क्रममा सम्मानित गरिएको अन्य बिधाहरुमा फ्रेन्ड्स अफ नेपाल बर्ष पुरस्कारमा सु च्याम्बरलेन, बर्षका उत्कृष्ट उद्यमी ब्यवसायीतर्फ कलेज तथा रेस्टुरेन्ट क्षेत्रमा चिनिएका प्रेम सापकोटा र राज खनाल, सामाजिक सेवातर्फ बर्ष पुरस्कार चितवन समाजका पुर्व अध्यक्ष बुद्धि डल्लाकोटी र भुवन खड्का र बिभिन्न राज्य व्यक्तित्व बर्ष पुरस्कारमा मल्टी डाइनामिक रियल स्टेटका मेघराज पौडेल,क्यानबेराका जीवन राना, सिड्नीकी जानकी रिमाल, एडिलेडका बिणु बगाले, श्रीकृष्ण ढुंगाना र देबकला श्रीशलाई प्रदान गरिएको छ ।

यस्तै एनआरएन अभियानलाई यस कार्यकालमा सफल बनाउन महत्वपुर्ण भुमिका निर्वाह गरे वापत पुराना पत्रकार डिल्ली ढकाल, पर्थका अभियन्ता सुबास श्रेष्ठ ,ब्रिजबेनका सामाजिक अभियन्ता अभिमन्यु केसी,रियल स्टेट बिजनेशका अशोक थपलिया, मेलवर्नका सचिन योन्जन,निरु त्रिपाठी, लगायतलाई प्रदान गरिएको थियो ।

कार्यक्रममा निवर्तमान अध्यक्ष टोनु गोथाने तथा महाचिव नारायण कोइरालाले दुई बर्षको कार्यकाललाई सफल बनाउन सहयोग गर्ने सबैलाई धन्यबाद ज्ञापन गरेका थिए ।

Comments