काठमाडौं, ६ असार 

एक सम्पन्न मुलुकमा रहेर अस्ट्रेलियालाई लक्षित गरी साइबर आक्रमण भइरहेको र यसका कारण सरकारका सबै तहहरू, व्यवसाय, आधारभूत सेवा र महत्वपूर्ण पूर्वाधार क्षेत्रलाई प्रभावित गर्न खोजिएको प्रधानमन्त्री स्कट मोरिसनले बताएका छन ।

चीनसँग अस्ट्रेलियाको वैमनस्यपूर्ण सम्बन्ध बनिरहेको कारण साइबर आक्रमणको घटनाहरू भएका अनुमानहरू गरिएका समय कुनै देशको नाम नबताइकन साइबर आक्रमणबारे प्रधानमन्त्री मोरिसनको भनाइ बाहिर आएको हो ।

खासगरी स्वास्थ्य, समस्याग्रस्त पूर्वाधार र आधारभूत सेवामा सर्वसाधारणलाई सावधानी अपनाउन सम्पूर्ण नागरिक तथा सरकारी तथा गैरसरकारी संघसंस्थालाई मोरिसनले आग्रह गरे । उनले भने, “केही क्षेत्रहरूलाई लक्षित गरी साइबर हस्तक्षेपमार्फत सूचनाहरू चोर्न र राज्यलाई क्षति पु¥याउन केही महिनादेखि साइबर आक्रमणका प्रयासहरू भइरहेको छ ।

प्रधानमन्त्री मोरिसनले भने, “यो साइबर आक्रमण कुनै राज्यसँग सम्बन्ध राख्ने क्षमतावान एजेन्टबाट भइरहेको छ । त्यहाँ धेरै व्यक्तिको सम्लग्नता भएको देखिँदैन ।”

अस्ट्रेलियाली प्रवुद्ध समूहको स्ट्राटेजिक पोलिसी इन्स्टिच्युटका कार्यकारी निर्देशक वर्गपिटर जेनिङ्सले अस्ट्रेलियाविरूद्ध यस प्रकारको आक्रमण गर्ने क्षमता चीनसँग रहेको दावी गर्दै भने, म विश्वस्त छु यसका पछाडि चीनको सम्लग्नता रहेको छ ।

यसैबीच चिनिया विदेश मन्त्रालयका प्रवक्ता झाओ लिचियानले आरोपहरूको खण्डन गर्दै चीनले साइबर आक्रमणजस्ता सबै गलत कामको विरोध गर्दै आएको र यसविरूद्ध सङ्घर्षरत रहेको बताएका छन ।

अस्ट्रेलियाली इन्स्टिच्युटले लगाएको आरोप निराधार र मूर्खतापूर्ण अभिव्यक्ति भएको उनले शुक्रबार पत्रकारसँगको नियमित भेटघाटमा लिचियानले बताए ।

Comments